東京鐵塔的日與夜: 東京花園酒店 (PARK HOTEL TOKYO)
東京鐵塔的日與夜: 東京花園酒店 (PARK HOTEL TOKYO)
冇幾耐前見過朋友影到超靚嘅東京日夜景，問一問之下，原來係喺呢間酒店lobby窗口拍的，從嗰一刻起，我已經決定下一次去東京，一定要住呢間喺汐留嘅Park Hotel！好好彩我哋book到兩晚房，晏就先嚟放低行李，reception後面就係一個大窗，飽覽東京鐵塔全景！不過連日落雨，陰陰天影唔好似朋友嗰張日落靚景～
夜晚番嚟check-in喇～ 嘩！間房好靚呀，牆上仲有尐似係山水畫嘅圖案～
打開窗廉先，OMG (ﾟдﾟ))) ！！第一次見到咁靚嘅東京夜景，實在靚到暈了，而且仲好浪漫呀～ *☆.｡(*ﾟ▽ﾟ*)｡.☆*
第二朝醒來，發現窗台上嘅厚墊好好坐，應該係專登造嚟俾人咁樣欣賞鐵塔景色！邊歎住杯早晨啡，邊欣賞景色，好舒服呀～ 係有尐可惜兩日朝早都落雨，出面矇矓矓，不過下次嚟到一定會更靚啫，希望在明天嘛 =p
怪叔叔就鍾意坐喺張單人梳化度歎咖啡～
落樓下食早餐咯！我哋book咗貴少少包埋自助早餐，噢～ 好豐富呀！最鍾意呢度嘅菠菜煙肉貝瞉粉同煎三文魚，仲有尐士多啤梨好似新鮮摘出嚟咁，超甜呀！
Check-out之前見到前少少間房好特別，怪叔叔好似入咗個金魚缸咁！(◎_◎;) 唔記得話比大家聽PARK HOTEL亦係一間藝術主題酒店，部份房係由日本嘅藝術家畫上去架！每一季亦都有唔同嘅藝術展，不過當時嘅無邪氣鐵人展我哋就唔係好識欣賞喇 =p Anyway，下次我哋一定要再住呢間酒店！
地址：東京都港区東新橋1-7-1 汐留Media Tower（Lobby於25樓）
交通：Metro汐留駅直達；JR新橋駅行7分鐘（好方便去銀座、東京站或者台場！）
時間：Check-in 2pm後，check-out 12pm前
電話：03-6252-1111
消費：雙人房最抵價HK$997
東京花園酒店優惠 (PARK HOTEL TOKYO) ＊可以直接打電話去酒店request鐵塔景觀 (當然要加少少錢嘅)