【渡假一流 】- 廣島格蘭王子大酒店
【渡假一流 】- 廣島格蘭王子大酒店
廣島話大唔大細又唔算細喎 , 如果要決定去宮島話就市中心去宮島都要起碼一個鐘 ,為我嘅宮島之行所以決定換一間返宮島嘅酒店 !!!!!
最後揀咗廣島格蘭王子大酒店(Grand Prince Hotel Hiroshima) , 點解會揀依間酒店?! 因為佢背山面海 , 又有酒店碼頭接駁船去宮島 , 仲有溫泉可以浸嚟渡假簡直一流呀~
廣島格蘭王子大酒店真係好大連個大堂都大過人 , 佢係四星級酒店大約起咗22年 , 相比嚟講保養得幾好 , 但部份酒店房都做緊翻新工程
依間酒店嘅優勢除咗有一流嘅海景,酒店後面前仲有個碼頭可以搭船去到宮島
酒店大堂就有售票處 , 非常方便
酒店嘅位置比較偏僻 , 附近係無沒便利店嘅 , 最近都要坐巴士出去先會有
但酒店大堂有類似便利商店就連手信都有得買 , 仲方便過對面有便利店嘅酒店呀
就連精品都有無買呀~ 好鍾意頂麵包超人帽呀 ~
酒店一定有得搞宴啦 , 但今次依問酒店連婚紗店都有真係一站式服務 , 啲禮服款式都唔錯
見到大堂咁正 , 已經好心急想快入房間睇下 ,上到樓層已經好靚一共有6個電梯多人都唔洗驚啦
一入去見到房好大超級興奮 , 依張枱只係小部份 , 比我地食嘢用可以望住電視添~
依個係2張單人床 , 但佢一個單人床嘅Size都可以瞓到2個人 , 張床仲要超級舒服瞓到我地第二
朝唔捨起身~
平價廣島格蘭王子大酒店訂房 (Grand Prince Hotel Hiroshima)
+【香港出發】廣島3日機+酒自由行 HKD$2,821起 (1間客房, 2位成人)
床頭有2個插蘇1個USB頭好方便 , 之前間酒店床頭無插頭同USB頭夜晚用電腦電話叉電麻煩啲 , 但依間酒店無依個問題啦~
一開窗簾全間房都見到海景㗎 , 真係睇完心情都舒暢啲~
大海景對住就係一張L形嘅大沙發 , 坐係到望個海望住電視真係好爽~
仲有一張我叫佢做 [貴妃椅] , 係依到睇書睇劇一流~
房間中間有個Bar台 , 有雪櫃有餐具~
仲有部咖啡機啲咖啡粒可以免費飲~
洗手間都好大 , 都有張椅可以比我地化妝用~
一般酒店啲都有好多免費嘅嘢提供 , 但今次依開特別多免費日當用品提供~
就連女士同男士嘅護膚品都有 , 依個真係好貼心唔係間間酒店都有提供㗎~
風筒都高級過人唔係普通酒店風筒 , 佢係用Panasonic冷熱風嘅風筒 , 但當然唔係最新個個形號啦 ~
馬桶係比較新嘅洗PATPAT馬桶~
房間應該係全部翻新咗 , 但洗白白嘅地方就無咁新(應該無翻新)
Check in嘅時候酒店職員比好多有關近酒店嘅景點料資做參考~
格蘭王子大酒店仲有一大優點係有得浸溫泉
溫泉嘅接代處
仲有個溫泉休閒區仲有按摩椅可以用添
佢地嘅早餐都算幾多嘢食 , 仲可以望住一大片海景 , 夜晚嘅時候同層仲有個Sky Bar有另外一番感受~
入酒店沿路有小小嘅酒店商店街 , 但啲嘢就有點貴啦 haha
酒店前會有架巴士可以去到廣島駅 , 坐到總站就可以到廣島駅㗎啦
總括嚟講 , 呢間酒店地段就係比較遠 , 出市中心一定要坐巴士或再轉JR , 但如果坐巴士的話就唔洗轉車好多地方都可以去
總括嚟講 , 呢間酒店地段就係比較遠 , 出市中心一定要坐巴士或再轉JR , 但如果坐巴士的話就唔洗轉車好多地方都可以去到 , 因為地段比較遠嘅關係去宮島就快好多 , 只需要落酒店碼頭坐大約15-25分鐘嘅船就到宮島啦 , 而酒店都有好多特別貼心嘅設施 , 例如酒店商店小街 , 溫泉 , spa , 等等唔同嘅設施 , 間間都翻新咗裝修都幾新只似沖涼位置比較舊式嘅裝修 , 唔知點解唔整緊個沖涼位置呢 ? HAHA
但依間酒店住1-2日 , 去埋宮島渡下假真係一流 , 都有另一種去日本嘅感覺~
酒店服務/設施
便利店 / 室外泳池 / 咖啡店 / 酒吧 /桑拿 / 健身中心 / 溫泉 / 宮島碼頭 等等
水療服務
服務項目包括按摩、臉部護理及身體護理。酒店提供各式護理療程，其中包括香薰治療及水療。
附近的當地玩樂
普拉提課程
瑜珈課程/指導
鄰近設有乘船遊覽活動
客房服務/設施
雪櫃 / 浴袍 / 免費梳妝用品 / 風筒 / 坐浴桶 / 獨立浴缸及淋浴設備
入住登記
入住時間: 13:00
退房時間： 11:00
平價廣島格蘭王子大酒店訂房 (Grand Prince Hotel Hiroshima)
+【香港出發】廣島3日機+酒自由行 HKD$2,821起 (1間客房, 2位成人)