【岡山縣】力推倉敷必去Ario商場（上）
【岡山縣】力推倉敷必去Ario商場（上）
Ario
去完遊樂場，我地嚟到倉敷駅隔離嘅Ario商場，終於有得行街啦！
邊個話廣島冇嘢行？就係呢個商場都可以行半日㗎！
點解呢個商場叫做Ario呢？其實A係Amusement＝娛樂；R係Relaxation＝放鬆；I係Information＝資訊；O係Originality＝原創性。
一去到門口，嘩～商場外觀好靚！緊係即刻影番張相先啦！
呢個商場都幾大㗎，兩層包含各類型嘅商店～
1. JUMP SHOP
動漫迷黎到一定唔捨得走！ 呢間Jump Shop係漫畫周邊商品專賣店, 當中有唔少龍珠、one piece同其他熱門漫畫嘅商品賣，舖頭入面仲可以打機同扭蛋，一入門口就見到！
舖頭裝修夠晒特別！
+【香港出發】廣島3日機+酒自由行 HKD$2,825起 (1間客房, 2位成人)
2. POLCADOT
嘩！好多帽！日本好興戴帽，而呢間就係一間賣帽嘅店！映入眼簾嘅係－好多帽啊！
呢頂BEATLES帽勁靚！即刻帶咗上頭試！價值JPY3700。
呢個袋好得意啊！折番港幣大約280蚊。
3. Pinky Bell
身為一個買襪狂，去到日本我真係會瘋狂買襪！
呢間舖頭俾佢門口嘅一系列襪嘅色彩顏色吸引住，好靚啊！
嘩！！！！！！可唔可以每隻色都有一對啊？？
而佢地嘅價錢都係JPY1000 x 3對嘅～
呢間舖頭除咗襪，仲有睡衣、頭飾等等。
4. 和服專門店 －【東京きもの愛-Aiko-】
如果你真係好想訂製番一套特別嘅和服，呢間舖頭就滿足到你啦！
店入面有好多布料可以揀，咁可以揀番自己鍾意嘅再訂製。
現成嘅佢都有show出黎㗎！
不過和服價錢真係唔平，上面淺藍色呢套就要JPY42000，都要成3000港幣㗎！
呢間和服店全日本有40間分店㗎，詳請可以參考番佢嘅網頁。
網址：kimono-net.com
5. Can Do 100円店
顧名思義就係全間舖嘅貨品都只係100円咋！
日本真係好多呢類型嘅店舖，但每一間都有佢特別嘅地方。
呢間舖就有個area係賣整曲奇餅嘅材料，全部都咁平，
可以買返香港慢慢整！
而佢仲有賣呢可以做裝飾嘅英文字木架。
6. Old Navy
Old Navy！我一見到呢間舖係勁興奮啊！
因為之前喺東京都有行過，d衫平又靚，一定要介紹！
就黎夏天，可以買連身裙著啦～
呢個褲嘅display好得意，會一路行路一路show褲嘅設計俾你睇。
7. Loft
Loft係日本出名嘅文具店，賣各式各樣又靚又得意嘅小物，次次去日本都必行。
想當年仲讀緊書嘅時候，真係勁鍾意行文具舖，唔知有冇人同我一樣呢？
咁啱就到母親節，所以都有好多精品係for 送俾媽媽嘅～
餐盒嘅款式簡約，有無印良品嘅感覺～
真係好鍾意Loft嘅相簿，好靚好多款簡～
印仔迷好似我咁嘅見到實有排揀啦！
ARIO
營業時間：ARIO商場 9:00 – 21:00；餐館 11:00 – 22:00
地址：岡山県倉敷市寿町12番2号
交通方式：
JR山陽本線 － JR倉敷駅下車、北口から徒歩0分
JR伯備線 － JR倉敷駅下車、北口から徒歩0分
水島臨海鉄道水島本線 － 倉敷市駅下車、JR倉敷駅北口から徒歩0分
+【香港出發】廣島3日機+酒自由行 HKD$2,825起 (1間客房, 2位成人)