大阪另類酒店推介（二）！大阪禪酒店 (Hotel Zen)
大阪另類酒店推介（二）！大阪 禪酒店 (Hotel Zen)
上次住過一間情趣酒店 L’hotel，非常之滿意。所以就決定試埋佢地嘅姊妹店禪，位置正正就喺 L’hotel 隔離。酒店房同樣比傳統酒店大，設備好，亦都好好服務，只招待成人 (Adults Only)，所以啱晒情侶去住！
係大阪地鐵谷町九丁目站行十五分鐘就會去到。禪酒店比較矮，但係隔離就係兩間比較高嘅情趣酒店，其中一間就係 L’hotel 所以都唔難搵到
大堂非常簡單。為咗更有私隱，reception大部分時間都唔會有人，只有 check-in/out 嘅時候先會出嚟
上房了，今次住四樓，和風風格走廊，加埋和風音樂配合，感覺好 relax ～
房間大廳，好有日本和風風格，好有心思咁整個凹位放床，舒服得嚟又有榻榻米感覺！
枱面風格簡單而有美感
床頭有提供電話叉電，同有啲工具，你懂的 🙂
當然唔小得 42吋大電視
電視除咗可以睇電視、聽歌、仲可以叫 room service （同埋睇成人動作愛情片）
我就試吓叫啦，呢個咖喱飯竟然係唔洗錢！
等咗十分鐘左右，職員會自己打開門，放喺玄關（玄關同房仲有度門，所以唔洗驚比佢見到你做緊咩）
飯同野飲都唔洗錢！個飯都幾好食，雖然免費但唔係求求其其果啲
不過講真，個飯食完係唔飽嘅，如果想飽就揀返啲要錢啦
浴室，大小就適中，唔係話好大，但都唔細
浸浴都有電視同片睇～
當然有泡泡浸浴劑提供
梳妝用品超齊全！基本你想要乜都搵得到
最後房間設備有微波燼、雪櫃、野飲櫃（有料）、衣架
雖然喺一間情趣酒店，但我當普通酒店住都好好，房算大，環境舒服仲有咁好嘅 room service，價錢唔算貴，標準雙人房 800元起。不過呢間酒店地理位置就喺比較靜嘅地點，因為鄰近天王寺，所以圍住酒店都有好多大大小小嘅寺廟，係度住就可以過吓寧靜嘅生活，好好享受吓喇。
客房類型：禁菸房／吸菸房
酒店服務/設施：24 小時櫃台服務／免費早餐／免費無線上網／免費自助泊車
入住時間: 15:00
退房時間：12:00
(只招待18歲以上成人）
+【香港出發】平價大阪3日機+酒自由行 HKD$2,159起 (1間客房, 2位成人)